Kuch baatein hai ankahee si,
Kuch khyaab anjaane se,
Kuch manziley hai anchuyi si,
Koi aarzoo ansuni si….
Ek lehar si uthti hai, kuch sehme se aasmaa ke taley
Dur koi sapna sajta hai, indradhanush ke saaye mein…..
Ek parchaayi nazar aati hai is oar aati hui,
Paas jao toh gayab si ho jaati hai…
Mann karta hai pukaar lu usse,
Darr lagta hai kahin koi sunn na le….
Ek tez si cheekh nikalti hai,
Andar hi andar ghutati hai
Phir shaant ho, wahin tham jaati hai…..
Ruku….. ya chal padu….
Talaash karne us saaye ko,
Us neele aasmaan ki parchayi mein,
Shayad yahi saaya mujhe meri manzil dikha jaaye!!
Photo by Cristofer Jeschke on Unsplash
