Aankhon mein hai thakaan bhari
Phir bhi neend ka kahin na thikana,
Palak jhapkaate hi
Hazaar sawaalon ka saamne aa jana…..

Kuch naachte hue, kuch tehelte se,
Guzar rahe hai dimaag ki taaron ke beech
Ulajh na jaaye aapas mein
Raasta hai bada ajeeb…..

Idhar udhar se ghuma phira ke
Khayal aate kayi saare
Kuch ache kuch bure
Sawaal hi reh jaate kayi saare…..

Lagta hai jaise sab hai naraz mujhse
Koi toh hogi wajah
Poocha, is chote se dimaag se…..
Jawaab maanga toh laga ek dhakka,
Bola usne kyu laga hai tujhe aisa…..
Mujhse pooch raha hai ki kyu hai sab naraaz tujhse?
Koi nahi hai tujhse dur,
Khud ko kyu karta hai majboor..,
Khud ko chod de thukrana,
Tu khud hi hai khafa khudse.

Photo by Ricardas Brogys on Unsplash