Ab toh lagta hai, bhai bas ho gaya
Pata nahi dedh saal kahan kho gaya…
Roz marra ki jasto jahaj ne kar rakha hai pareshan,
Is saare sir dard ka corona  hai naam….

Kisi se milna hai dubhar,
Koi paas aa jaaye toh lagta hai darr
Bahar jaane par hai pabandi
Jagah jagah laga rakhi hai nakabandi….

Chehre pe dikhte na koi bhav,
Naqaab ke peeche chip gaye saare ghav
Pehle milte toh muskurakar,
Ab pta hi nai lagta ki muskurahat hai
Ya hai shikan…..
Haath mila ke ruk jaate hai wahin dur,
Ban gaya hai ab ye naya dastoor….

Kabhi aao na ghar,
Ab ye sunne ko taraste hai hum…
Baatein ho chali ab ye saari puraani,
Aane waale waqt mein kaise sunayenge hum ye kahani??

New normal new normal
Kehne lage hai sab,
Kya sach much issi tarah se
Jeene lagenge ab??

Naa baba aisa toh na ho paega
Iss tareeke toh bilkul na chal paega
Khatam karo iss corona ki leher ko
New normal nahi,
Old normal mein hi jeene do humko.

Photo by Samantha Gades on Unsplash